Trahado di ImSan a pidi asistencia policial pa un situacion fastioso. Esaki a pasa diadomingo marduga, unda cu na sitio tabatin un homber agresivo.
Na momento cu polis a presenta na sitio, esunnan eynan a splica cu un homber a presenta na e ImSan y diripiente a lanta contra nan. E homber a bira agresivo contra nan y despues a bandona sitio.
Despues di a tende kico tur a pasa, polis a cuminsa busca e homber aki. Un poco mas pariba di luga di drecha taira polis a topa cu e homber. Di biaha nan a baha di auto y a bay over na deten’e. A pidi presencia di un vehiculo di transporte pa hiba e homber warda di polis di San Nicolas.
