Un biaha mas ta organisa y ehecuta reparticion di paketenan pa grupo di Dominicanos Unidos en Aruba. Pa di tres biaha cu e grupo aki ta yega hunto pa asina brinda nan aporte na e comunidad cu mas mester di dje na e momentonan dificil aki.
Donacionnan di diferente persona y instancia ta yega cerca nan y cu esakinan ta prepara paketenan cu lo yega na e comunidad mas den nececidad.
E biaha aki a logra 90 pakete en total cu lo ta reparti na personanan cu a drenta den contacto cu e organisacion pa informa di nan situacion y ayudo cu nan lo tin mester. Den contacto cu diferente instancia ta haci e peticion y asina logra hunto e productonan mas necesario cu despues lo yega na cada hogar cu ta den nececidad.
Paketenan ta consisti den su mayoria di productonan basico, manera entre otro azeta, hariña, sopi, aros, buscuchi y asina por menciona mas , cu ta donacion di diferente parti aki na Aruba.
Dominicanos Unidos en Aruba a gradici no solamente e Prome Minister Wever Croes pero tambe algun compania manera Ling & Sons, tambe asociacion Chines na Aruba como tambe Samuel Galan cu ta representante di Partido Revolucionario Moderno aki na Aruba. Tambe danki di curason na tur otro persona cu ta aporta entre otro esnan di e grupo mes cu nan esfuerso pa logra cu cada pakete ta yega na esnan den mas nececidad.
Na e miembronan di prensa, na 24ora.com cu semper ta atento y disponibel pa brinda sosten na Dominicados Unidos en Aruba., Danki!
