Na December, e minister di energia di Dominica, Ian Douglas, a aborda e plannan di gobierno pa construi un planta geotermico den e di tres trimester di 2019.
E construccion lo realisa parti pafo di e ciudad capital di Roseau. Ta di spera cu e lo por abastece 23 mil hogar cu energia geotermico limpi, cu ta representa aproximadamente 90% di e poblacion total.
E financiamento pa e proyecto geotermico a adkiri den parti atrabes di e programa di ciudadania door di e pgorama di Inversion (CBI). Fondonan adicional a bin for di Banco Mundial, Banco di Desaroyo di Caribe y Inter-American Development Bank. Aunke e ta chikito den tamaño, ta considera Dominica como e di dos miho ciudadania pa inverti aden, di acuerdo cu un estudio independiente door di un publicacion di Financial Times, PWM.
Despues cu nan a pasa checksnan di due dilligence, e aspirantenan na ciudadania ta dicidi pai n verti den real estate of contribui na un fondo gubernamental. E ultiom aki ta wordo yama Economic Diversification Fund (EDF) y ta patrocina sectornan publico y priva na Dominica cu tin mester di sosten financiero of tin potencion economico.
Cada persona eligibel pa bira un ciudadano di Dominica, ta agrega por lo menos 100 mil dollar na e EDF. Si nan aplica conhuntamente como un famia, cual ta posibel bao di e programa di CBI di Dominica, e contribucionnan cu ta suma 175 mil dollar pa pareha, 200 mil dollar pa un famia di cuater y un otro 25 mil dollar pa cualkier dependiente adiciona. Eventualmente, e placa ta bay pa modernisa infrastructura local, scol, hospital y hasta desaroya industrianan prospero manera turismo y IT.
Nacionnan Uni ta predici cu Dominica lo bay tin e crecemento di mas grandi di GDP den 2019,den e region di Caribe. Considerando e fluho constante di inversion di exterior, Dominican ta prepara pa prepara pa establece obhetivonan a largo plazo cu por supera e expectativanan di sostenibilidad riba escala mundial. Despues di Horcan Maria na 2017, Prome Minister Roosevelt Skeritt a haci un promesa pa haci Dominica den “e prome nacion resistente na clima di mundo.” Inmediatamente el a lansa e Climate Resilient Execution Agency di Dominica, tambe conoci como CREAD. Su obhetivo ta pa consolida esfuersonan sostenibel, recauda fondo y provee servicionan esencial.
E planta geotermico lo tin un impacto substancialmente positivo riba e avance nacional di e isla y e bida di su ciudadanonan. “Cu e planta aki andando, nos lo ta den un posicion pa beneficia di e suministro di energia limpi, confiabel, di costo abao, renobabel y di calidad halto den futuro, cu lo beneficia tur e sectornan di actividad productivo na Dominica,” Douglas a bisa.
Fuera di explora e beneficionan di energia renobabel, e prohibicion di plastic di e isla a drenta na vigor entrante 1 di Januari. A descirbi’e door di National Geographic como un di e prohibicionnan di plastic mas comprensiobe di mundo. Esaki ta wordo sigui pa e iniciativa “Housing Revolution” di e isla, unda cu ta traha casnan nobo cu por wanta e eventonan climatico mas conoci. Manera e proyecto geotermal, e programa ta funda pa e programa di CBI.
