Expresion haci door di minister di enseñansa den conferencia di prensa di gobierno, un biaha mas a cay den lama tera den mundo di enseñansa. Specialmente cerca e cuerpo di docente di Colegio San Nicolas cu a sinti cu ta ataca nan di un forma inhusto y baho. Nan prome reaccion tabata cu “docentenan no por manipula cu oranan di rooster”.
For di momento cu a scucha expresion di e mandatario aki den e conferencia di prensa, e docentenan pero tambe studiantenan a haya esaki un comentario for di luga y mesora a sali pafo exigiendo un reunion cu Management Team.
El a menciona cu algun docente na inicio di aña nobo di scol a haya un email den cual ta pidi nan pa duna extra ora pa motibo cu tin escasez di docente ya bay di acuerdo. Y varios di nan no a haya pago. Pues no ta berdad cu nos ta manipula cu e oranan. Cu tin escasez di docentenan ya caba ta un fout.”
Un di e docentenan na juli a bisa cu e lo keda, mirando cu ta bay tin escasez, pero e mandatario a dicidi pa no acepta su oferta. Esaki ta un problema cu no mester a existi mes pasobra e ta un problema cu por a soluciona facilmente.
Nan ta lamenta cu despues di duna hopi di nan parti pa bin tende acusacionnan cu docentenan ta corupto. Nan ta warda e minister y ta invit’e pa bini San Nicolas. “Nos ta warda minister y mientras cu no soluciona e asunto aki no tin les,” un di e docentenan a expresa.
Ta traha e rooster y ta haya aprobacion door di DPS (Directie Publieke Scholen) cu na final ta haci e pagonan. P’esey nan ta haya e acusacion di corupcion hopi straño, ta tuma esaki na malo y ta causa nan dolor. E ta kibra nan, mas ya cu for di aña pasa maart / april no a papia mas cu e mandatario. Ta parce cu nan a tuma contacto cu Inspeccion cu a bisa cu no ta trata realmente di un rapport pero un resumen di loke nan tin na informacion.
Tambe pa hopi aña largo tabata duna “huiswerk begeleiding” gratis na scol, pero a kita e ora aki. No ta compronde cu si tabata duna e lesnan aki gratis, a stop cu nan toch.
Pa loke ta un rapport cu Inspeccion di Enseñansa nan no ta na altura di dje. Niun docente a papia cu ningun funcionario di Inspeccion y Management Team (MT). Ni contenido di e rapport nan no tabata na altura di dje sino te ora cu e mandatario a mencion’e den su conferencia di prensa. Pa colmo awo ta tende cu tin nomber di docentenan den e rapport aki. Nan ta puntra con esaki ta posibel. “No tin comunicacion at all. Nos ta luchando pa e muchanan dunando nan un ora di les di Natuurkunde riba diasabra, cual no ta suficiente.”
Un studiante a expresa su preocupacion pa e falta di actuacion di minister. Asina un docente prome cu e bay ta entrega 3 luna prome su retiro. Pues autoridadnan di enseñansa tabata na altura y toch ora cu e tres lunanan a pasa, ainda no tin e docente, den e caso aki di Natuurkunde.
