Departamento di Labor (DAO) a anuncia awe cu dialuna dia 15 di februari 2021 ta un dia regular (normal) di trabou y no un dia festivo, mirando cu e celebracion di carnaval ta cancela te cu proximo aviso. E decision di minister Glenbert Croes ta mara na e hecho cu no ta necesario pa tin un dia liber di carnaval si no tin carnaval mas otro luna. E reto den esaki ta pa esunnan cu ya a reserva nan vakantie pa biaha of haci algo otro riba e dia aki, pasobra anteriormente gobierno a anuncia e dia liber y awo a cambia di decision.
Pa mas informacion por yama nan na 523-7720 of subi riba e website www.daoaruba.com. Tambe por sigui nan riba e pagina di facebook: Directie Arbeid en Onderzoek of manda e-mail na [email protected]
