Den e mahestoso Marriott Ballroom bunita decora, e empleadonan di Do it Center y SUPER Do it Center a celebra “Employee Appreciation Night”. Aki e empleadonan di tur tres tienda a bini hunto p’asina celebra e bon trabounan desplega durante henter e aña.
Durante e anochi aki sr. Kenneth y Frans Ponson a hiba palabra expresenando nan gratidud y aprecio na tur empleadonan pa e labor haci durante e aña. Tambe a recorda con General Store a cuminsa cu’n par empleado y a crece bira loke awe nos ta yama Do it Center y SUPER Do it Center.
E anochi a sigui cu un celebracion special recordando e 25 aña di bida matrimonial di sr. Kenneth Ponson y su distinguido esposa sra. Claudia Ponson. Sigur un momento special cu e ser celebra conhuntamente cu henter famia di Do it Center. Pa completa e anochi aki, e banda popular di momento D’licious a deleita tur empleadonan y nan famia cu un tremendo repertorio musical. Tur esnan presente a baila y a pasa un anochi ameno yena cu ambiente. Por ultimo Do it Center y SUPER Do it Center kier a gradici un baiha mas su empleadonan pa e tremendo trabou desplega durante henter aña.
