Pa 27 aña, organisacionnan manera e Federacion Mundial di Salud Mental y e Organisacion Mundial di Salud a reconoce dia 10 di october como e Dia Mundial di Salud Mental.

Celebra pa prome biaha na 1992, Dia Mundial di Salud Mental ta un iniciativa mundial destina na aumenta e consciencia mundial riba salud mental y e importancia di pone fin na e stigma social cu ta rond di dje. Y si e dia ta nobo of familiar p’abo, ta posibel cu bo por puntra con pa participa den e Dia Mundial di Salud Mental. Afortunadamente tin un cantidad di manera pa bo ta envolvi e aña aki.

E Federacion Mundial di Salud Mental cu ta responsabel di establece dia 10 di october como e Dia Mundial di Salud Mental, a crea e tema di e aña aki como Promocion di Salud Mental y e Prevencion di Suicidio. E organisacion ta spera cu door di yama atencion riba suicidio, gobiernonan rond mundo adopta agendanan di salud publico cu ta priorisa e tema, e presidente di e Federacion Mundial di Salud Mental, dr. Alberto Trimboli, a skirbi den un carta na sostenedornan.

Den su carta, Trimboli a clasifica suicidio como “un problema di salud publico global.” En berdad, e Organisacion Mundial di Salud a informa cu casi 800 mil persona ta muri di suicidio rond mundo tur aña, loke ta convirti’e den e di dos causa principal di morto entre personanan di 15 pa 29 aña.

“Comportacion suicida a existi a lo largo di historia humano, pero debi na varios factor completo, el a aumenta gradualmente den tur parti di mundo y, den e ultimo decadanan, el a alcansa nivelnan estadistico alarmante,” Trimboli a skirbi. “Pa por haya hende papia riba un tema cu tin tendencia di ta tabu y riba cual hopi tin ideanan eroneo y prehuicioso lo yuda e comunidad conoce e factornan di riesgo pa nan por identifica y siña adresa nan.”

Mientras cu ta reconoce e necesidad di conscientisacion di salud mental ta vital tur dia di aña, tin diferente manera cu bo por participa den e Dia Mundial di Salud Mental den 2019.

Bisti un cinta berde

Di e mesun manera cu un cinta roos ta sirbi como simbolo internacional pa conscientisacion riba cancer di pecho, e cinta berde ta sirbi como simbolo internacional pa e conscientisacion riba salud mental, segun e organisacion sin fin di lucro Mental Health Foundation di Reino Uni.

Bo por cumpra un pin di cinta berde pa uza riba e Dia Mundial di Salud Mental (y tur dia despues di esey) di e Fundacion di Salud Mental, cu ta señala cu tur e ingresonan di benta di e cinta berde ta destina pa financia su trabao di caridad. Tambe por crea bo propio cinta berde uzando un preke pa uni un poco di cinta berde na bo bisti.

Comparti e video di Dia Mundial di Salud Mental

Yuda plama e mensahe riba e Dia Mundial di Salud Mental compartiendo e video di e Federacion Mundial di Salud Mental riba e obhetivonan general di e iniciativa global. E ta splica con e Dia Mundial di Salud Mental tin como obhetivo empodera y educa personanan riba e apoyo na otronan, na e mesun momento ta alenta politiconan pa inverti den e creacion di miho maneho di salud mental y den e creacion di comunidadnan liber di stigma.

Comparti ampliamente e recursonan pa prevencion di suicidio

Uza bo rednan social pa comparti recursonan di prevencion di suicidio manera The National Suicide Prevention Lifeline, cu ta proporciona recursonan gratuito di prevencion di suicidio 24 ora pa dia, shete dia pa siman na cualkier persona cu tin mester. Otro bon recurso ta e Crisis Text Line, un servicio gratuito basa riba texto cu ta conecta e mensahenan di texto di Merca, Canada of Reino Uni cu conseheronan di crisis di bida real. Na Merca, e Proyecto Trevor, ta opera e unico lifeline di prevencion di crisis y suicidio, specificamente pa hobennan LGBTQ.

Duna recurso na esnan cu ta opera prevencion di suicidio

Esnan cu medionan financiero pa haci’e por considera haci un donacion na un of mas di e organisacionnan menciona anteriormente cu ta opera un recurso gratuito di prevencion di crisis y suicidio. Tambe por considera haci un donacion na cualkier di e shete organisacionnan sin fin di lucro pa prevencion di suicidio

Un manera den cual e organisacion benefico di Reino Uni, the Mental Health Foundation ta recomenda pa celebra e Dia di Salud Mental, ta pa tene un Tea & Talk cu famia, amigo, bisiña y hasta coleganan. “Tea & Talk” tin di haber cu alenta e combersacion riba salud mental y aumenta e “openness” riba e topico,” nan a nota riba nan website, cu tambe ta provee guia riba host bo propio Tea & Talk. Ademas di proporciona un pakete descargabel gratuito pa yudabo cuminsa, Mental Health Foundation tambe tin sugerencia di receta y actividadnan, manera posters y hasta un podcast.

Emiti bo propio proclamacion riba Dia Mundial di Salud Mental

Por ta lo bo ta run bo mesun negoshi, organisacion comunitario of por ta bo ta buscando un forma dibertido di cuminsa cu un combersacion riba salud mental cu amigo y famianan; di cualkier manera, considera emiti bo propio Proclamacion di e Dia di Salud Mental, dia 10 di october. Un template di proclamacion personalisa ta disponibel for di World Federation for Mental Health.

Informa bo mes con pa preveni suicidio – Despues comparti e conocemento aki

Lesa con bo por yuda preveni suicidio atrabes di foyetonan online di e Organisacion Mundial di Salud riba loke emergency responders, trahadonan di salud, docente, manager, dunadonan di trabao y empleadonan por haci pa preveni suicidio na trabao. Cada foyeto (ta personalisa pa diferente luganan di trabao y industria) por imprimi of comparti, loke ta facilita comparti loke a siña cu e resto di e coleganan.

Cuida bo propio salud mental

Uza e Dia Mundial di Salud Mental di e aña aki pa check bo mes. Tuma un dia pa recarga si bo tin mester di dje. Si bo ta sinti un poco down emocionalmente y mentalmente, purba bandona e actividadnan cu ta segregabo manera television y na su luga, busca algo cu por lagabo sinti relaha y reabasteci manera un bon buki, un canamento  lento den naturalesa of un chat estimulante cu un amigo. Desaroya ehercicio regular y un bon anochi di descanso den bo schedule. Y lo mas importante no duda den busca ayudo profesional of di otro tipo, si bo ta kere cu bo tin mester di dje.

Mientras cu Dia Mundial di Salud Mental ta sosode un biaha pa aña, no tin rason pa e mensahe di consciencia y defensa no ta transmiti durante henter aña. Pasobra aunke a haci avancenan significativo den e ultimo añanan pa reduci e stigma encuanto salud mental, semper tin un margen di mehora y mas consciencia.

Comments

comments