Diahuebs despues di 7:00 pm polis a bay parkeerplaats di The Village pa un pelea entre trahado di siguridad di e parkeerplaats y dos turista. E turistanan no kier a sigui ordo di e trahado.
A informa e polisnan cu a yega na sitio cu e trahado masculino a bisa e dos turista cu nan no mag di para ey. E turistanan no a gusta esey. Nan a cuminsa discuti cu e trahado. Cos a bay for di man na momento cu e dos turistanan a agredie.
Polis na su turno a bay papia cu e otro banda. Nan a informa e agentenan cu e trahado di siguridad a acerca nan cu un obheto den su man. Cu e obheto el a bati riba nan auto y kier a ataca nan cu e palo.
Polis a hala ambos partido nan atencion. A duna ordo n’e turistanan pa saca nan auto y bandona e area.
