Tabata algun siman pasa cu un homber grandi di edad a sali cumpra algo di come den oranan di marduga. Ta un hende riba 80 aña. Despues cu el a yega cas atracadornan a drenta y batie malamente. Djey a coy su cuminda cayente tambe bay cune. E pachi a keda herida den su cas den Maria van Oranjestraat na San Nicolas.
Ora cu el a logra bati alarma Polis di San Nicolas a presenta y ta tende kico a pasa cune. Ambulance a hiba e victima. Recherche a ser avisa. E famia tambe a presenta y slachtofferhulp. Mientrastanto recherche di San Nicolas no a para keto. Nan a cuminsa un investigacion mesora riba e caso.
Pocopoco a yega na e sospechoso cu a comete e acto serio contra e Pachi di 80 aña den su cas. E sospechoso Diqon Brown tin 21 aña di edad. E ta ser considera un figura peligroso cu ta usa arma di candela. Un team special di Polis a logra topa cune riba caya. Mesora nan a cuminsa move su tras y pidi unidadnan di Polis pa bin yuda.
For di Cura Cabay a cuminsa volg e auto Colt. Banda di MSK na Savaneta el a lora bay zuid y pocopoco e unidadnan di Polis a yega na e auto. A blokia e auto y manda e sospechoso plat na tera. A detene Diqon Brown mesora y bay cune warda. Den e proceso di interogacion lo presenta tur prueba contra dje. Un caso cu riba e dia ey a sacudi nos isla den oranan di marduga.
