Diamars anochi a sosode un pelea y ta ser papia tambe cu tin tiramento. Esaki tabata den e area di Sero Patrishi. Segun testigonan, a scucha varios tiro djey un rato despues, polis a para un Nissan March color roos, numera A-62740. El tabata core luz paga y tabata actua hopi sospechoso.
A purba sconde pero un unidad special di Polis a mire y avisa coleganan uniforma den patruya. Durante e control a haya holor di marihuana den e auto.
Mesora a saca e chauffeur for di auto. A nota cu e tabata tin un kap grandi na su cabes. Ta sospecha cu e chauffeur tabata parti di e pelea cu tiramento cu a tuma lugar un rato prome eybanda mes cual a yama Polis tambe.
Tabata poco dificil pa saca informacion for di e sospechoso mirando cu e no a contesta ningun pregunta cu autoriad a hacie. Ambulance a presenta na sitio pa check un que otro cu e sospechoso. A transport’e pa ward’i polis pendiente mas investigacion.
