Tres homber a atraca habitante na San Nicolas

2997

Diasabra, 15 di augustus, pa 3:00AM a sosode un atraco den MariavanOranjestraat na San Nicolas. Polis a yega na e sitio y a topa cu un habitante masculino cu sla na su cabes.

E habitante masculino a splica polis cu tres homber cara tapa a yega su cas y tabata tin un bat di baseball. E tres hombernan a cuminsa dal e y el a resulta herida na su cabes. E tres hombernan a pidie su placa y despues a bandona e sitio.

Mientras polis tabata tuma e habitante su declaracion, nan tabata pidi asistencia di ambulans. Na yegada e paramediconan di ambulans a trata e habitante, pero a opta pa hib’e hostpital. E habitante ta biba su so den e cas, p’esey a notifica recherche y polis forensic pa haci un investigacion. Famia di e habitante a presenta na e sitio despues di a yama nan. A pidi asistencia di slachtofferhulp pa papia cu e famia.