Diaranson awor lo tin espacio pa condolencia pa su famia na Hulanda, mientras cu diahuebs awor lo crema e restonan mortal di Dino Tromp, cu dos siman pasa a cumpli 56 aña, na Nijmegen. Su yiunan a bay eynan pa por ta presente na e momento di tristesa aki. Di acuerdo cu ley Hulandes, ta te despues di un luna por transporta e restonan mortal pafo di Hulanda. Si tur cos ta bon, e prome siman di juli lo tin entiero na Aruba, entre famia y ex-coleganan di prensa.
Diasabra ultimo Dino Tromp tabata envolvi den un accidente di auto na Nijmegen. Pero ora e prome patruya di polis a yega na e sitio, a nota cu e no tabata duna señal di bida. Ambulance a presenta pa brinda asistencia y hunto cu dokter a diagnostica cu ta un ataca di curason el a haya tra’i stuur, cu consecuencia cu el a perde control y baha caminda.
Dino Tromp tabata un miembro di prensa masha stima na Aruba. El a traha pa hopi aña na Telearuba como Camaraman y despues na varios otro medio di comunicacion mas como fotografo. Hopi forsa na su famia, colega y conocinan den e momento dificil aki. Cu Dino sosega na paz.
