Diamars alrededor di 8:45 pm, polis a duna chauffeur di un pick-up marca Toyota señal pa para pa un control. Esaki a sosode net dilanti di dump. Polis a constata cu e plach’i number A-47143 no ta cuadra cu locual nan tin den sistema. E plach’i number ta registra riba otro auto y pa colmo e no ta paga.
Na momento cu polis a pidi e chauffeur pa e yabi, el a sconde esaki strobando polis di sigui cu nan trabou. Polis a bay over na detene e homber. Transporte policial a yega na sitio y bay cu e detenido pa ward’i polis, takelwagen a bay cu e pick-up.
