Un rato pasa alrededor di 10:30 pm a sosode un accidente cu basta daño material riba e caminda di Schotlandstraat. Ta net otro banda di Banjolux, ta trata di un auto marca Kia modelo Picanto color berde, numera A-77779. Tin dos version, pero investigacion lo saca afo cua ta esun corecto. E chauffeur a conta cu un otro auto, estilo pickup a dal e, pone perde control y bolter. Di otro banda, miembro di siguridad di un establecimento a conta cu; ta su so cu su so. El a dal den baranca pa djey keda cu dos wiel den laira. Na yegada di prome unidad a yuda e chauffeur cu tabata pega den auto, pa sali, mirando cu ainda tabata pega.
E tabatin un kap basta profundo na su cabes, ambulance a presenta pa asina brinda atencion medico na e chauffeur herida. Di otro banda, polis di trafico a presenta pa documenta e accidente aki.
