Diadomingo na Jan Flemming a surgi un problema y aki a detene un persona femenino den su propio cas, esta Candida. E ta huur un camber c’un muhe cu tin un aña sin paga. Na diferente ocasion el a yama polis pidiendo pa sac’e di su cas.
Candida a yuda e muhe, kende a ocasiona hopi problema. Un di e biahanan cu polis a presenta, a bis’e pa lag’e te dia 31 di december di aña pasa, pero e huurdo a bisa cu e no ta bay di eynan.
Pero diadomingo ultimo a yama polis y nan a deten’e. Segun Candida, nan a bis’e cu no por saca e huurdo di e cas pasobra esey ta su priopiedad. E ta insisti cu e ta simplemente hacie un fabor y cu e persona aki tin problema.
E ta cansa caba cu polis. El a hasta saca paña di e muhe, pasobra tur cos den e cas ta di Candida. Polis a presenta, a insult’e y sac’e, a laga e muhe den su cas.
Pa su persona di a mira cu a pon’e riba Facebook ta dun’e lastima. Hopi hende di diferente pais conoc’e y awo ta yamand’e pa puntra kico tur ta pasando. Nan ta puntr’e dicon a sac’e di su cas y ta pone un rapport cu ta bisa e ta invadi e propiedad. El a splica, cu el a yuda e muhe door di e mucha, pero e no ta obliga di tin e muhe den su cas.
Candida a bisa cu e ta respeta tur nacionalidad, pero nan no a respet’e. A sac’e di su cas diadomingo, pero ainda e ta purbando di saca e muhe di su cas. Polis ta bis’e door di a hinca e muhe den su cas, esey ta propiedad di e muhe tambe. E ta pidi famia di e muhe Haitiano, gobierno, autoridad, pa sac’e di su cas. Pero tambe pa kita e mucha di dos aña, pasobra e ta dal e.
