Diasabra anochi laat den careda di 12:10 AM ta pidi presencia di polis na Clubhouse di Cas di Partido den vecindario di Playa.
Un persona desconoci ta drenta y mes ora a tuma nota cu e no ta un miembro di e Clubhouse.
E no por a cana muchu bon y tabata duna tur indicacion di ta bastante cansa. E tabata comenta di a bin di un otro Bar y tabata tin mester di usa e baño.
Algun rato despues a scucha desordo biniendo for di direccion di e baño. Mes ora a bay mira kico tabata tumando luga, pa nan sorpresa e persona a manda un mokete y a destrui e spiel den e baño cu intencion di sigui haci mas daño den e establecimiento.
Esnan presente a yuda saca e persona aki porta afo y pidi presencia di polis pa bin atende cu ne. Polis a pidi Dogcatcher y asina a pasa over pa detene y hibe warda. A compronde cu denuncia a keda entrega.
