Cu urgencia Polis, Brandweer y Ambulance a presenta pa un accidente grave cu a tuma luga riba caminda grandi di Camacuri.

Algo pasa di 4:30 AM ta pidi asistencia cu suma urgencia pa un accident cu a tuma luga riba caminda grandi dilanti Do It Center na Camacuri.

Accidente semi-frontal cu victima pega den auto riba caminda grandi di Camacuri

Accidente semi-frontal cu victima pega den auto riba caminda grandi di Camacuri

Posted by 24ora on Sunday, November 17, 2019

Na yegada por a constata cu ta trata di un accidente basta serio entre un pickup Ford Ranger blanco A-38034 maneha pa un cabayero y un BYD F3 shinishi scur A-56513 tambe maneha pa un cabayero. Prome informacion na sitio ta indica cu ta trata di un accidente semi-frontal caminda un di e autonan pa un of otro motibo lo a baha na su banda contrario y encontra semi-frontal cu e otro vehiculo. 

E chauffeur di e pick up blanco tabata tira den mondi parti panoord di caminda, kehando di basta dolor na su pia pero tabata mustra basta stabil y por a comunica cu e personal cu e yega pa duna e prome asistencia.

Pa locual ta trata e chauffeur di e otro vehiculo su situacion tabata mas serio. Na yegada di ambulance mes ora a cuminsa traha cu ne pa stabilis’e pa asina liber’e di e situacion cu e tabata encontra su mes.

Cuerpo di Bombero tambe a presenta inmediato na sitio di accidente y cuminsa traha di biaha cu ekipo di rescate pa corta e auto y asina saka e victima for di e vehiculo. 

Personal di ambulance a traha di biaha y cu cautela a logra pon’e riba brancard y transport’e pa hospital cu urgencia. Un accidente basta pisa cu te awo no tin informacion oficial di con e por a tuma luga.

Un bon trabou den ekipo di tur presente na e sitio pa asina traha lo mas rapido  posibel pa logra saca e victima for di e auto cu a keda destrui door di e impacto fuerte.


Comments

comments