Diasabra anochi den careda di 11:30 PM a sosode un acccidente riba Watty Vos Blvd na haltura di e paperclip rotonde na Sero Patrishi.
Un auto Nissan March biniendo for di direccion di Tanki Leendert a yega e rotonde na Sero Patrishi pero no a drenta e banda corecto. E auto Hyundai i10 cu si tabata na su banda corecto y no a premira cu e chauffeur lo a bin riba dje.
E impacto tabata fuerte. E Nissan March a bin dal directo riba e Hyundai. Testigonan eybanda ta conta cu nan a wak e auto bay halto , bolter y bay para den un distancia bek riba su cuater tairanan.
Mes ora a pidi presencia di polis pa bin asisti pasobra tabata sospecha cu e chauffeur lo ta bou influencia di alcohol.
Ambulance tambe a presenta mirando cu e dama lo a haya golpi fuerte den su pecho y tabata keha di hopi dolor. Pa tur seguridad a transporte mes ora pa Hospital pa e ricibi tratamento medico. Na sitio por a tuma nota cu despues di un rato a pasa na detene e chauffeur di e Nissan March y a hibe warda di Polis.
