Despues di a representa Aruba na Ginebra, pa tratamento di e raportahe di CAT (Convention Against Torture and other Cruel, inhuman or Degrading Treatment or Punishment), e delegación a haci un bishita di cortesia na Cas di Aruba, na Hulanda. (Arubahuis)
E delegacion, tabata consisti di Procurador General mr. Alexander van Dam, Director Interino di Departamento di Relacion Exterior, mr. Olivia Croes, kende ta encarga tambe cu asuntonan di Derecho Humano, Hefe di Seccion Conseho y Investigacion di KIA, Janice Sint Jago Msc CAMS, y mr. Edline Hart, Hurista na Minsterio Publico.
Na Cas di Aruba, e delegacion a wordo ricibi door di Minister Plenipotenciario sr. Guilfred Besaril y Director interino di Cas di Aruba mr. Glen Ling. Durante un combersashon ameno a toca entre otro e topico di Derecho Humano y e defensa di e raportahe di CAT na Ginebra.
