Dama turista a hoga na Eagle Beach

Diabierna atardi a drenta informacion di un caso lamentabel caminda cu un dama turista di edad a hoga a Eagle Beach, na altura di La Cabana. Segun informacionnan ricibi, e turista lo tabata tin mas of menos mey ora den awa ta drief sin cu ningun hende a ripara.

Personal di un compania di watersport a sak’e for di awa y paramediconan na e sitio a purba di dun’e prome auxilio, pero lamentablemente esaki no a yuda.

 

Na famianan di e fayecida nos ta extende nos mas sincero palabranan di condolencia.