Brazi Taekwondo ta organisa un Fun Walk and Run di 6km dia 25 di Augustus cu ta cuminsa pa 6:30am. Esaki ta un actividad sumamente agradabel, pero tambe un competencia pa esunnan cu kier competi den grupo di seis. Tanto den canamento como den coremento. E grupo mester ta mixto, pues tres dama y tres
cabayero. Tambe por inscribi como individual.
Esunnan cu ta bay forma nan grupo mester cuminsa practica hunto desde awor pa asina ora e momento di berdad yega nan por sali hunto y termina hunto crusando e finish-line.
Inscripcion ta Awg.25.00 pa tur participante individual Y inscripcion pa e gruponan di seis ta awg.20.00 pa persona, pues Awg. 120.00 pa e grupo.
Inscripcion ta tur dia den siman na Centro di Bario Brazil ta for di 8am te 9:00pm y na IBISA O’stad den orario di trabou.
Dia 16 di Augustus ta bay tin un actividad special na Centro di Bario Brazil for di 5:00pm, unda tur participante ta invita pa pasa confirma nan participacion y ricibi nan DRYFIT T-shirt. Tambe ta posibel riba e dia aki pa print nan nomber riba nan T-shirt. Cu un mashin Superfast y moderno. E Walk & Run FOLLOW ME, dia 25 di Augustus ta cuminsa 6:30am na Centro di Bario Brazil.
Dia 25 di Augustus e participante lo haya su awa na boter, fruta y Gatorade na e finish. Ademas lo tin HOPI premio adicional sorpresa.
Tin premio pa e diferente categoria:
1. Top 3, Grupo di 6, den coremento.
2. Top 3, Grupo di 6, den canamento.
3. Top 3, Grupo di 6, di Empresa/Compania
4. Top 3 grupo di 6, all women.
5. Un Grupo di 6, cu mas edad.(ta conta total edad di tur
participante).
6. Un Grupo di 6, mas jong.(ta conta total edad di tur participante).
7. Un premio special pa e grupo mas grandi.(esaki si ta mas cu 6
participante).
8. Prome Grupo di 6 di scol.
Participantenan individual:
1. Prome coredo femenino cu yega e top di Palisiaweg .
2. Prome coredo masculino cu yega e top di Palisiaweg.
3. Top 5 coredo femenino individual cu crusa e finish line.
4. Top 5 coredo masculino individual cu crusa e finish line.
Pa mas informacion por tuma contacto cu Alberto Klaber na cell 5925575 of Willy Willems na 5923969.
