Diamars anochi varios persona a notifica 24ora pa un situacion di urgencia n’e stacion di Arubus San Nicolas.
Esaki tin di haber cu e afdak di e stacion di Arubus San Nicolas a cuminsa laga bay. Diferente parti di e dak a cuminsa bin abou.
Mesora por a mira un situacion unda cu e dak ta hopi frustia, pero tambe cu diferente beam a cuminsa bin abou.
Tur esaki ta crea un peliger no solamente p’e clientenan, pero tambe trahadonan di Arubus.
Incluso por a nota cu diferente parti di e luga falta di mantencion. E hendenan ta haya nan mes tin cu sinta mainta den scuridad pa warda bus pa bay traha. Incluso den oranan di anochi cu nan ta yega n’e stacion aki, esaki ta un peliger pa nan.Tur esaki debi na e scuridad cu tin eynan.
