Ambiente y grito a cuminsa riba veld di Flatstone Ballpark cu diferente team den competencia serio pa gana e tournament aki di kickball.
Diabierna atardi, a inicia e prome weganan di kickball entre algun team manera entre otro Guarda nos Costa, Arumil, DOW, CEA, Ambulance, Douane, EMS, Inmigracion, KIA, Bombero y esunnan di polis mes.
Un publico grandi a sali y bin sostene e wega di diabierna. Esaki ta e prome dia pero por spera mas wega diasabra y diadomingo.
Comunidad ta invita pa pasa un rato y bin sostene actividad deportivo y pasa un rato ameno apoyando cada team participando. Bataya ta fuerte y sigur lo bira uno candente te final. Wega di diasabra ta programa pa cuminsa 12 di merdia mientras esun di diadomingo lo ta pa 10:00 am.
E evento aki ta organisa pa Comissie Korspviering Aruba di Cuerpo Policial y ta priminti di ta un bon competencia entre e cuerponan.
