Un grupo di cuater hoben a keda deteni pa Polis. Na Aruba tin hopi cas cu ta bashi y cu anteriormente tabata huur cu turista. Awor e casnan aki ta keda para. Algun hoben a tira bista riba un cas y nan a dicidi di pasa weekend y gosa sin cu nan tin autorizacion pa haci tal. Nan a paa nan auto Tercel color berde riba un distancia y djey bay na e cas cu nan tin bista riba dje. Manera raton di anochi nan a penetra y haci nan mes doño di e cas cu algun aparato y tas cu nan pertenencianan. Esnan cu ta responsabel pa e cas a yama Polis. Polisnan di Noord a yega haya tur cuater. Tres mucha homber y un mucha muher. A detene tur cuater. E mucha muher ta cara conoci pa autoridad pasobra siman pasa nan a pare riba caya marduga durante Toque de Queda.
El a ser gara banda di Tanki Leendert. Kiermen el a paga un multa di 1000 florin. Awor e ta deteni pa ta den propiedad prohibi hunto cu amigonan. A mira cu Polis a Sali cu flatscreen etc. No sa si ta di e hobennan mes pa hunga wega. Polis a bay na e Tercel algun 100 meter leu pa controle. E Tercel di e dama a ser controla. E hobennan tabata para e auto leu y cana bay na e cas pa no lanta sospecho. Nan Shelter in Place tabata dushi den cas di otro hende cu Pool y tur cos.