Diadomingo anochi faltando algun minuut pa 11or un habitante di un cas den Macapruimstraat a yama Polis. El a splica Polis cu den su cura tin un persona no desea. El a pidie diferente biaha pa bandona su propiedad pero e no kier haci tal. Polisnan a bay na e adres y asina a atende cu e doño di cas. Polis a cuminsa un buskeda pero na prome instante no a haya e persona. E doño a splica cu e persona ta den su propiedad y lo ta bou garage un caminda. Despues di tabata move den cura a topa cu e persona y ta detene pa TdQ. Cu e transporte di CEA a bay busca e persona deteni y bay cune warda pendiente e proceso completo pa e multa conoci.
Asina mes lo bay evalua. Polis ta sinti cu e persona doño di cas no ta sincero. Nan mes a dune lugar pa keda un anochi y awor ta yama Polis pe. Polis no por a lage bay liber mas pasobra nan a detene caba. Ora detene un hende e mester pasa e proceso via Subfiscal. Ora yega warda lo splica e storia exacto y e chens ta grandi cu e persona aki no ta bay cay den e grupo cu ta haya multa pa TdQ. E ta mas bien un mal hecho di e habitante di Macapruimstraat #1.
