Parlamento a trata e rapport di CARMABI riba RWZI. E rapport aki tabata haci pa TNO na 2018. E parlamentario y lider di fraccion MAS a reacciona riba esaki y loke el a trece dilanti riba disertacion ta cu e problema aki no ta desconoci pa su persona.
drs. Marisol Lopez-Tromp, lider di fraccion MAS, a indica di bisa e ministernan cu e si ta contento cu e CARMABI Research Center a dicidi publica e rapport den su totalidad oficialmente riba su pagina di Facebook. Asina ey tur hende tin acceso na dje y termina e supuesto secresia cu esaki tabatin durante e añanan cu a pasa, caminda cu cierto pida tabata circula pero nunca e rapport oficial cu publico por a mira esaki.
Na di dos luga e parlamentario a pone accento riba e atencion di e consecuencianan dje CARMABI rapport. El a haci pregunta na e minister di kico por haci y si tin placa pa loke por haci p’e. Contrario n’e encuentro teni cu e directornan, Lopez-Tromp no a bay den debate cu nan. Esaki tabata pa motibo cu nan a trece informacion tecnico. Pero awe e tabata kier a sa esey di dje. P’esey e parlamentario a ilustra loke a bin cu ne padilanti, dos aña pasa su persona a trece e mesun informacion. El a mustra prueba di publicacion dje tempo ey caminda tambe a bati alarma ora e tabata minister.
Aki el a referi na e mesun expertonan cu ta sinta awe cu n’e, pero tabata net den tempo di Covid-19 y no tabatin placa pa inversion. E tabata un urgencia caba. E ta kere cu esey ta algo cu mester no solamente haya atencion, pero tambe tuma decision cu RWZI di Bubali. Segun e parlamentario, el a pone atencion p’esun di Parkietenbos por ehempel. Aki por mira cierto awa sushi cu ta drenta lama cu aparentemente no por bay den e tankinan ey y cierto parti ta bay lama. Tin hende grandi y mucha ta landa eynan. Tambe e ta un area cu ta mustra hopi bunita cu vegetacion, pero importante pa sa kico ta pasa eynan tambe.
Pa un cobertura mas amplio lesa e edicion di TREMPAN di mañan.
