Coronavirus ta representa un reto pa desaroyadornan di vacuna ya cu apesar di e experiencia, e empresanan di awendia ta biba un careda contra holoshi pa pone na alcance di e poblacion un vacuna cu ta evita mas morto na mundo, Constanza Losada, director di Pfizer na Mexico a bisa Efe diaranson.
“Sin duda tabata un di e retonan mas importante den historia di Pfizer: tin un vacuna cu habitualmente por hiba entre 10 y 15 aña por logra si tur sali faborablemente den cuestion di luna,” e directora a indica den e entrevista.
E farmaceutica ta un di e tres empresanan cu cual e Gobierno di Mexico a firma convenio pa por cumpra cerca di 140 miyon di dosis di su futuro vacunanan, cu den miho di e casonan lo a cuminsa na yega na december y permiti pa vacuna 90,9 miyon di Mexicano a lo largo di otro aña.
Te asina leu, Losada a splica, e vacuna di Pfizer ta den Fase III, cual ta referi na e pruebanan inicial pa determina e eficacia di e vacuna den un cantidad limita di boluntario.
Den e etapa aki, el a bisa, ta conta cu 44 mil boluntario, un tercio di cual ta Latinoamericano.
Presidente y directora general di Pfizer Mexico, Constanza Losada. EFE/ Pfizer México
