Desde algun tempo piscadonan ta denuncia un situacion alarmante p’e waf di Rancho. Esaki ta debi cu a restringui e acceso pa yega cerca e piscadonan na waf di Rancho.
Piscadonan a tene un reunion pa mustra esnan concerni riba nan situacion. Segun Carlito Quandt, e caminda ta un caminda publico loke ta nifica cu e ta di pueblo. Nan no por cera esaki pa traha un parkeerplaats y p’esey piscadonan no ta di acuerdo. Quandt a splica cu e compania a pone stacanan riba beach pa traha un boardwalk y e resto ta un parkeerplaats.
Loke ta pidi ta pa tin nan mesun caminda pa yega e pier. E caminda mester keda pasobra anochi hopi hende ta pasa ey banda. A firma un acuerdo pa haci e luga bunita y nada mas, pero no tin nada concreto ainda p’e caminda. Esaki ta pasobra e piscadonan no kier entrega e caminda ya cu esaki mester keda publico.
