Tin varios informacion ta circula den medio di comunicacion, unda cu ta para cu Plataforma RAIZ, no ta para pa inclusion.
Contrario n’esaki, durante un conferencia di prensa dilanti di registro civil (stadhuis), Minister di Transporte, Integridad, Naturalesa y Asunto di Adulto Mayor, Ursell Arends a indica net lo contrario, cu a informa comunidad nan posicion como Plataforma, posicion cu a dicidi pa encamina pa loke ta trata, ora di papia di derecho di igualdad, e tema di matrimonio di mesun sexo, p’asina aki pueblo di Aruba sa kico t’e ruta cu RAIZ a dicidi pa cana.
TA RESPETA DEMOCRACIA
Idealmente, segun Arends, e plataforma y como mandatarionan di RAIZ no lo a desea pa gobierno bay den casacion, pero ta respeta democracia. Esaki ta loke a tuma luga y ta en espera p’e debate publico por ta hiba den parlamento di Aruba, p’asina aki por aproba e ley, caminda cu lo garantisa derecho di igualdad y mas cu tur cos, inclusion.
E tema aki, en bes di crea union den nos comunidad, por a mira cu e ta creando hopi division. Ta netamente loke plataforma RAIZ ta para p’e, ta un di e puntonan principal ta inclusion. Netamente esaki ta loke kier logra ora cu a trata e tema aki.
Hopi hende ta lubida, cu ora papia di igualdad y matrimonio di mesun sexo, loke a papia ta e ser humano. E ser humano aki mester ta garantisa cu nan lo haya respet for di e comunidad aki y esey ta loke RAIZ ta boga p’e. Esey t’e ruta cu nan ta encamina pa por garantisa cu den parlamento e debate publico aki por tuma luga.
Pa mas detaye lesa TREMPAN.
