Como parti di nan trabou di tur dia, Liliana Rasmijn, di e departamento di comunicacion di Cuerpo Policial Aruba, a conscientisa mayor y muchanan riba e uzo di “earplugs” durante parada di mucha na Oranjestad. E polis tabata yega cerca e muchanan cu no tabatin un earplugs den nan horea y tabata regala nan como un forma di conscientisacion pa cuida nan oido segun e parada ta pasa y cu bandanan ta toca.
Anualmente fundacionnan ta purba conscientisa e comunidad mas y mas pa cuido di nan oido. Bandanan awendia ta toca cu speakernan grandi y zonido duro, cu por ta dañino pa oido di publico. Pa hende grandi mes e ta zona duro, corda pa e criaturanan, cu no sa miho. Ta importante pa, den e dos simannan cu ta sigui, pa mayornan ta mas consciente di nan rol pa proteha oido di e muchanan door di cumpra earplugs pa ora di bay parada of eventonan cu tin musica duro.
Corda cu perdida di oido ta pa semper, no tin remedi pa por recobra bo oido bek.
