Diadomingo atardi pa exactamente 1:00 pm, SMAC hunto cu Cuerpo Policial a inicia e Parada di Mucha na Oranjestad. E parada di mucha a conta cu 4 grupo y mas o menos 700 participante. Cuerpo Policial tabata tin 100 personal riba pia, manera polis uniforma, planologie, motor-unit, k-9, Mobiele Eenheid, Team di Aresto, mobiel commando, camera di vigilancia, recherche como tambe personal administrativo. Pa 5:20 pm e cabes di e parada a yega ex-DOW y pa 5:55pm e parada a yega su final.
Pa loke ta e parti di Faya bo Haya y listramento preventivo tabatin solamente dos detencion. Polis ta contento di mira cu mayoria adulto a comporta nan mes y a mira e avisonan di conscientisacion di KPA. Na aña 2020 tabatin 3 detencion riba dia di Parada di Mucha na Oranjestad.
