Polis a presenta na un cas den Avenida Alo Tromp pa asina tuma dato di un cura di cas completamente destrui. Un chauffeur lo a pasa dal esaki benta abou y sigui core pa causa mas daño den e area.
Esaki a tuma luga diadomingo, den careda di 5:30 pm, den Playa. Segun por a compronde e chauffeur di e vehiculo aki lo a sigui core cu
intencion di bay sconde e auto pero no a yega mucho leu. A bin topa cu e v-car ( un Ford Figo V-1966) den Johan de Wittstraat
cu basta daño material den parti dilanti di e auto. A indica cu ta trata di e mes un vehiculo cu lo a causa e destruccion na e cura di
cas den Avenida Alo Tromp.
Pero e storia no a caba eynan! Den parkinglot patras di stacion di bus grandi, tambe a pidi presencia di polis pa asina bin tuma dato di
diferente vehiculo cu a ricibi daña di un auto, cu probablemente lo ta e mesun v-car aki cu a causa daño na Avenida Alo Tromp.
Un investigacion lo ta esencial pa saca afo ta ken e chauffeur aki ta y con lo yega na soluciona e daño causa.
