Manera ta custumber pa mas cu 20 aña, e club di natacion Aruba Dolphins ta organisa su competencia di 1 – 3 – 5 km den lagun di Savaneta diadomingo 22 di september 2019.
E evento aki tambe ta sirbi como fundraising pa e club. Durante 2 siman landadornan di diferente club, esnan di triathlon y otro landadornan a haya oportunida pa inscribi y e competencia ta conta cu total 115 landador.Den e evento di 1 km tin 58 landador cu lo landa e ruta di 1 km. Esaki lo cuminsa 10.00 am.
Den e evento di 3 km tin 47 landador cu lo landa e ruta tres biaha y pa e distancia di 5 km tin 10 landador. Nan lo landa e ruta 5 biaha. E 3 km y 5 km lo cuminsa 11.00 am.
Pa e competencia di 1 km e siguiente categorianan lo participa pa premio:
8 aña y menos femenino y masculino
9 – 10 aña “ “
11 –12 aña “ “
13 aña y mas “ “ (lo ta competi pa medailla so, no overall)
Pa e competencia di 3 y 5 km e siguiente categorianan lo participa pa premio:
13 – 14 aña femenino-masculino
15 – 17 “ “ “
18 – 24 “ “ “
25 – 34 “ “ “
35 – 44 “ “ “
45 – 54 “ “ “
55 aña y mas “ “
Registracion ta tuma lugar diadomingo cuminsando pa 8.30 or di mainta na e cas di Roly p’ariba di Zeerovers na Savaneta.
E suma pa participa ta afl. 25,00 pa landador.
E salida y yegada di e 1 – 3 – 5 km lo ta na e pier di Zeerovers. Lo bai tin boeinan special indicando e salida, ruta pa landa y yegada.Officialnan di Arubaanse Zwembond lo ta encarga cu e parti di e resultadonan.Ceremonia pa ambos careda lo tuma lugar pa 2.00 pm.Lo bai tin medaillanan di oro, silver y plata den cada categoria y trofeo pa e ganadornan general.
E cushina lo ta bon surti cu Fish cake platter cu arroz cu salada y banana, Seafood soup, Beef soup, Oyster soup, Pan cu Keri Keri, Pan cu hot dog y mucho mas.
E invitacion ta bai pa un y tur bin presencia e competencia y disfruta di dushi cumindanan di lama.
