Colombia y Hulanda ta trahando riba un tratado pa evita dobel impuesto y ta spera cu e iniciativa aki keda suscribi otro aña.
Asina presidente Ivan Duque a anuncia na momento cu su encuentro du Prome Minister di Hulanda, Mark Rutte, a caba den Casa de Nariño y a reitera cu “nos lo sigui avansa, manera ta mi deseo y manera ta su deseo, pa nos por tin un tratado di desmonte di e dobel impuesto, cu ta agilisa inversion.”
E Hefe di Estado a reconoce e apoyo cu Reino di Hulanda a duna Colombia den temanan tan sensibel manera e maneho di awa.
“Un di e paisnan mas admira internacionalmente, pa e maneho di awa ta Hulanda, y e cooperacion cu esaki a bin ta duna na e Ministerio di Vivienda ta pa nos tin den nos pais miho herment tecnico pa e toma di decisionnan cu ta traduci den un obhetivo di nos Gobierno, manera ta garantisa cu e zona di e pais cu awe no tin e acceso na e likido preciado, pa nan tin’e,” el a añadi.
Di su parti, Prome Minister Mark Rutte a manifesta cu “ta complacemi sobremanera cu e Presidente Duque y ami por anuncia cu nos paisnan lo bay cuminsa e ultimo buelta di negociacion otro aña, cu e fin di firma e tratado aki mas pronto posibel.”
Di e manera aki, el a subraya cu “nos tin mester di mantene nos bon relacionnan cu ta rementa na mas di 200 aña di historia y e bishita aki ta permiti estrecha e vinculonan aki entre nos paisnan, specialmente den material di economia y comercio.”
Convenio
Presidente Duque a gradici e Prome Minister su deseo di coopera cu Colombia den e desaroyo di proyectonan transformador pa e campo Colombiano, apoyo cu el a cualifica como “vital pa duna oportunidad na e regionnan cu a wordo golpia pa violencia.”El a reitera e importancia di e acuerdonan di cooperacion cu a firma enter e dos paisnan. Frente e acuerdo cu e Instituto Colombiano di Credito Educativo y Estudionan Tecnico den Exterior (Icetex), a señala cu ta importante “pasobra tin un tradicion largo di studiante Colombiano cu a bay forma nan mes den e Reino Hulandes.”
“Tin un gran oferta di beca y es mas, bale la pena bisa, e Minister di Vivienda, Jonathan Malagon, kende bo a saluda awe, tabta becario di e pais y esey a permiti’e adkiri su titulo di dokter den economia,” el a bisa.
El a señala cu e acuerdonan suscrito cu ICA y Invima, “nos ta dunando un paso gigante den materia di certificacion electronico, cu ta introduci hopi mas transparencia, reduccion di tempo y agilidad y ta permiti nos cu dos institucion di e pais drenta den un gran modernidad den materia di informacion pa facilita comercio y inversion.”
“Di su parti, e firmamento di e Convenio Marco cu Corsou habri tambe un enorme posibilidad, pasobra Colombia tabata un proveedor importante di e pais aki y nos kier pa e sigui crece, pa e sigui duna fiansa y habri oportuniddanan pa entre e dos paisnan genera empleonan sostenibel,” el a sostene.
Den e sector salud, a destaca e apoyo cu e reino Hulandes lo duna Colombia pa mehora e calida di informacion y e decisionnan den materia di salud preventivo.
El a sigura cu e acuerdo suscrito cu Sena, orienta na e formacion pa e empleo y logistica di e servicionan portuario, lo por avansa den e generacion di trabaonan nobo. “Mi no por stop di haci referencia na e apoyo di e Reino di Hulanda na e sistema di titulacion di tera y den e temanan cadastral,” el a asevera.
Economia Oranje
E Presidente a recorda e interes cu el a comparti cu Prome Minister di Hulanda di haci e Economia Oranje un gran motor di desaroyo.
“Na e amigonan di prensa cu ta compaña nos, ta importante haci referencia cu den Reino di Hulanda, e industrianan creativo, e Economia Oranje, ta representa e 10 porciento di e Producto Interno Bruto (GDP) y na Colombia, segun e informacion disponibel, ta di 3,4 porciento,” el a indica.
“E decisionnan cu nos ta tumando ta pa e sector aki cumpli un proposito di ta asina importante na Colombia como e ta den su pais, den e proximo decada,” Presidente Duque a conclui.
Cobertura Powered by Compra Ltd. & Romar Trading N.V.
