Desde aña pasa e banda a cuminsa den e mesun temporada aki, unda cu e festival ta tuma luga. Colegio Arubano tabata paralel cu nan y a train un cantica cu e grupo aki. e grupo aki meser a presenta esaki na scol, pero no por a haci esey debi na Coronavirus.
Di biaha nan mester a stop tur cos y segun Jaderick Croes, docente di musica na Colegio Arubano, hopi di nan a keda cu curason kibra. E docente a bisa e studiantenan cu e aña aki nan ta bay participa den e festival. Nomber di e cantica ta Imagina y ta un composicion ta di Andley Isenadin, un studiante di Ciclo Basico 2. E docente ta di Haiti pero e tin un amor pa Aruba. Croes a dun’e opdracht pa composita e cantica pasobra el a scucha su canticanan ora e tabata dun’e.
Andley Isenadin a bisa cu el a bay riba YouTube y a scucha algun speech di Betico Croes. El a mira e parti unda Betico Croes ta bisa “si mi cay na caminda, coy e bandera y sigui cu e lucha.” El a pone e parti ey acerca na e otro letranan, pero a acerca su docente di musica pa un idea y pa por a hinca e cantica den otro.
