Den fin di siman tabatin fiesta priva y na cas den tur skina di Aruba. Varios ta e fiestanan aki cu polis a topa cu nan, y a para tur cos. Dialuna marduga pa mainta ainda a topa cu un na Playa.
Tabata rond di 4.10 di mainta cu habitantenan di Bushiri no por a soporta mas e zonido di musica cu ta bini for di un cas banda di e gallero na Bushiri. Tabata parce cu e hendenan bebe y toca muziek sin corda cu otro hendenan tin cu bay traha.
Polis cu a yega mesora a ordena e homber paga e muziek, pero e homber aki no kier a scucha, y no a keda otro cu detene y hib’e Warda di Polis pa e druma pasa su wayaba y laga e habitantenan drumi un tiki prome cu nan bay traha.
