Un ciudadano a tuma contacto cu nos mesa di redaccion, cu e peticion pa e instancianan encarga cu control riba supermercado, pa tira un bista riba celofan of plastic wrap, cu ta uza pa lora berdura of beleg pa bende den supermercado.
Segun e ciudadano, esaki ta causa holo straño y fuerte. El a comenta cu esaki ta mescos cu varios supermercado cu el a yega di bishita, cu e holo ta asina fuerte cu e ta penetra den e producto, cu e consecuencia ya menciona. E ta asina malo cu no por come e producto.
TIN UN TEMPO ANDANDO
A bin compronde cu Dienst Warenkeuring en hygiene sa di e situacion aki y ta bezig cu control rib’e keho, echo cu ta keda pendiente p’e resultado.
Segun comentario, e situacion aki tin un tempo caba andando y mirando e persistencia di nos lectornan/usuarionan, e departamento aki ta canando su caminda pa por yega na un solucion p’esaki.
TUR COS RIBA OTRO
For di un comerciante tin indicacion cu no ta spuit nada. E wrap cu ta haya pa cumpra ta di Aruba mes, dus nan ta certifica pa uza. E problema ey ta haya mas tanto den e supermercadonan mas chikito of minimarket.
Segun e comerciante su experiencia y opinion personal, ta cu door cu e minimarketnan ta chikito, tur cos ta cerca di otro y esey ta haci cu e ta coy holo.
Cerca e supermercadonan mas grandi esaki no ta un problema, door cu ta separa co’i hole manera producti di haci lmipi, dicicline, camfor, etc. por ehempel for di cuminda.
E luga ta mucho chikito pa bende asina tanto cos y variedad y no tin suficiente espacio.
Den un minimarket kier facilita p’e cliente, ta p’e motibo ey mes ta bende tur cos asina ey.
