A funda Fundacion Zinnia na november 2015, despues cu na maart 2015, un auto a dal nan yiu, Zinnia, mata door di un chauffeur cu tabata core bou di influencia.
A pensa con pa conscientisa e hendenan eyfo, con por hacie miho cu e morto di su yiu muhe no ta por nada. Esey a haci cu nan a lanta Fundacion Zinnia. Michella Croes-Matos, di Fundacion Zinnia, a indica cu e fundacion tin como meta pa conscientisa e comunidad Arubano tocante e peligernan y e consecuencia di core auto bou di influencia.
En general e tin tres meta:
– Conscientisacion
– T’ey pa apoya un hende cu a perde un yiu ‘ranca’
– Purba cambia cierto ley.
Cu e perdida di su yiu, tabata un dolor enorme. Y durante añanan Fundacion Zinnia a cuminsa cu e proyecto AmigoDIDI, cu a lanta ora cu nan a lanta DIDI. E tempo ey, FADA tabata tin un otro proyecto y Fundacion Zinnia a bin cu DIDI. Pero riba conseho di e sponsornan, cu a pidi nan pa uni cu FADA. Asina tambe nan dicidi di sinta hunto, pa hacie grandi y tur dos tin un solo meta, tin mas grandi. Nan fundacion a haya un tremendo cooperacion cu FADA.
Croes-Matos a sigui bisa cu nan mes ta bibando na Hulanda, pero nan tin un team na Aruba cu ta esunnan cu ta dirigi e fundacion na Aruba, cu ta bay tur reunion, por regla tur cos na Aruba unda cu e nan, como mayor, no por ta presente na Aruba pa bay e reunionnan. Na comienso nan a bisa cu e proyecto lo dura como cinco aña pa e por echt cuminsa cana. Por wak cu e hendenan ta cuminsa bira mas consciente, pero ta hopi trabou tin tras di e proyecto AmigoDIDI.
Vooral den temporada di Carnaval, cu ta e temporada cu tin mas hende ta bebe y asina mes ta subi caya, pa cual Croes-Matos, como mayornan di Zinnia ta bisa, no ta un secreto cu nan mes a hacie hopi biaha y esaki lo sigui pasa te ora cu realidad di bida toca na bo porta. “Niun hende ta sali for di nan cas, cu e intencion di bay haya un accident y mucho menos bou di influencia”. Ta escogencia di cada persona. P’esey ta bisa cu ta oke pa dal un drinks, have fun cu famia y amigo. Pero ta importante pa corda cu semper tin hende ta warda bo na cas. No solamente di bo, pero niun otro famia kier sufri ora cu nan famia ta wordo ranca for di nan. Ta importante pa keda conscientisa e pueblo riba e peliger- y consecuencianan di stuur auto bou di influencia ta trece cu ne.
Pa mas informacion, lesa TREMPAN
