Recientemente a biaha pa Hidalgo Mexico, e ciclistanan Akeem Kock y Roson Gonzalez. Mester bisa cu e ciclistanan di ruta lo core nan prome careda unda lo cuminsa cu e famoso careda contra holoshi(time trail) mientras diasabra 4 di mei nan lo core e careda di ruta.
Pa varios luna e dos ciclistanan a prepara nan mes debidamente pa e gran evento aki unda e mihonan den nos region lo ta presente. Hunt cu e atletanan a biaha coach Gabriel Diaz.
Ambos atleta a pasa varios luna den exterior unda a bishita un campo di entrenamento bou guia profesional na Argentina unda n abanda di e entrena a competi tambe den varios careda organisa. Stichting Sportsubsidie Aruba ta contento di por aporta y brinda e ayudo na e federacion di ciclismo, AWB pa asina e ciclistanan di ruta Akeem Kock y Roson Gonzalez participa na e Sub 23 Panamericano di Ciclismo na Hidalgo, Mexico
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba
