Diabierna mainta un señora grandi a bira victima di atraco. Un choller arma cu cuchio a atraca e señora cu a bay banda di ATM di Aruba Bank pa saca placa. E security a mira e choller bin riba e victima.
E no por a laga su post e momento ey. E señora bou menaza a logra duna e choller arma diez florin y logra scapa core drenta banco. Eynan a bati alarma. Diabierna a mira hopi di nos grandinan den Caya moviendo. Nan a bin banco trempan pa cobra nan pensioen.
Esey tambe ta habri wowo pa cierto choller cu ta busca e forma pa haya victimanan facil. Polis a yega mesora na e sitio. A cuminsa un buskeda. E choller of e homber arma cu a kita placa bou menaza tabata bisti na shinishi. Polis no a topa cu e choller. Eybanda tin diferente camara di seguridad. Un bon investigacion facilmente ta yega na e atracador.
