Señora di e Hyundai tabata mester asistencia medico di ambulance. Polis di trafico a presenta na e sitio pa asina tuma datos di e accidente.
Diabierna pa mas o menos 3:30PM na e crusada di Palm Beach un biaha mas a sosode un accidente. Esaki tabata entre un Nissan Cube color blanco, number A-13945 y Hyundai Accent color blanco, number A-7618.
E Nissan Cube tabata bin di direccion Benihana y tabata bay direccion Wendy’s, pero e chauffeur di e auto no a duna preferencia na e Hyundai Accent. Chauffeur di e Hyundai tabata baya direccion Playa na momento cu e Nissan Cube a subi caminda.
Polis a presenta na e sitio y di biaha a pidi asistencia medico di ambulance p’e chauffeur femenino di e Hyundai. Mientras tabata warda riba ambulance, polis y road service a tuma dato di e incidente. E luznan na e crusada no ta traha y esey ta pone cu den e ultimo lunanan a sosode diferente accidente.
