Gobierno a anuncia cu toque de queda (TDQ) a bin na vigor dia 28 di augustus. Riba e prome dia a detene ocho persona. E orario di TDQ ta entre 12:00 pa 5:00AM, pero un biaha mas tin persona cu ta viola e relga aki.
E prome detencion tabata na Playa y esaki tabat Reginald Danies hunto cu otro 4 persona, kendenan tin simannan ta drumi band’i Parlamento y oficina di Gobernador pa protesta contra pedofiel. Un otro detencion tabata na Tanki Leendert. Aki polisnan a topa e homber sinta den auto den e parkeerplaats di Arcopolis Mall.
Banda di Cayena Mall polis a bin topa un auto para eynan. Nan a dicidi bay controla esaki y a bin topa un persona masculino drumi den auto. A bay over na deten’e pa viola e relga di TDQ, pero na mes momento a hay’e cu droga. Na San Nicolas tambe a detene un señora den Caya Captain Rodgers.
Tur esnan deteni a hiba nan warda di polis pa presenta dilanti fiscal auxiliar. Awe nochi e TDQ ta continua.
TDQ
Gobierno a aplica e medida di Toque de Queda na Aruba despues di mas o menos 43 aña. Na tur e Toque de Queda a keda na vigor durante 67 dia y a detene 683 sospechoso. E prome dia tabata 21 di maart y e ultimo dia tabata 27 di mei. A reparti casi 400 mil florin na boet.
