“POR ta bezig cu un proceso di reorganisacion normal di directiva conforme statuutnan. E ex-voorzitter di partido Otmar Oduber a entrega su retiro na cuminsamento di juni y tin un miembro di directiva a indica di prome cu esey caba di lo kier wordo reemplasa debi na tempo. Dor di tempo y circumstancianan di Covid no a yega na e proceso”, asina lider interino di partido POR, mr. Andin Bikker a indica un rato pasa. Esey ta pa contradeci noticianan robes cu vocero di Otmar Oduber, esta e locutor Ralph Maduro di Power FM a indica awe tardi. Ta obvio, awor cu a saca Otmar Oduber completamente for di partido POR, cu e ta purba via di su radio chikito, pa bruha tera y purba haci daño na e partido.
“Partido a pidi pa haci un estudio di e statuutnan pa por haya sa cua ta e stapnan necesario pa por yega na cambio di Directiva segun e statuutnan. Pues ta un proceso interno cu ta andando y ta normal cu cada tanto tempo ta reeligi y reemplasa directiva di un organisacion”, di acuerdo cu Andin Bikker.
Loading…
Reload document 
Open in new tab Tin tur indicacion cu otro siman lo bin mas anuncio y posibel cambionan drastico den e partido politico, pa por prepara pa e siguiente eleccion otro aña. Un di e prome pasonan tabata pa distancia di Otmar Oduber, cu awor ta un sospechoso di husticia cu 9 acusacion di corupcion contra dje. E di dos paso ta pa cana e caminda di paz cu Marisol Lopez. Pero ainda tin mas paso pendiente pa por drecha e imagen di e partido, cu a sufri hopi daño precisamente pa motibo di Otmar Oduber mes y tur esunnan rond di dje cu a coopera cu posibel actonan di corupcion y fraude cu terenonan publico.
