Diaranson madruga a drenta informe di un accidente hit and run pazuid di Zara den Havenstraat. Central a manda patruyanan na e sitio mesora.
Na yegada di e patruya a bin encontra algun di e postenan cu ta separa e acera y e camindanan kibra y destrui. Ademas a haya un pida bumper cu e plachi number A22718 benta eybao. Un testigo a indica na polis cu e auto a bay para den e parkinglot ey cerca pabao di Bestuurskantoor y e chauffeur a cana bay direccion di e casino.
Polis a yega e auto, pero berdad e chauffeur no tabata den e vehiculo. Nan a bay tira un bista direccion cu testigonan a mir’e bay. Den e casino a detene y a cana bin pafo cun’e. A avis’e cu e ta deteni pa maneha auto bao influencia, comete un accidente y bandona e sitio di accidente sin a informa polis di esaki.
