Den trafico mayoria di chauffeurnan tin semper un poco pura, porta ta den e ser humano su naturalesa di ta hendenan sin pasenshi, porta ta algo cu lo tin cu bay averigua/ evalua.
No ta sigur si esaki lo ta e caso e biaha aki, pero lastimamente e desicion di bay purba pasa e truck na momento cu esaki tabata den reverse no a beneficia e chauffeur di e Toyota RAV.
Un susto sigur, momento cu e truck a keda bin den reverse sin tuma nota cu e auto lo a keda bou di e truck mientras e ta sigui bin atras pa drenta e cura di Martijn Trading, cu ta caminda e accidente a tuma luga.
Manehado di e truck ta bisa cu no a tuma nota di e auto , ni e intencion di pasa e truck. Ta te na momento di a scucha un zonido duro e la nota den su spiel cu tin un auto pega bou di e truck. Afortunadamente no tabata tin herido mas bien unicamente gasto material. Un tiki pasenshi lo por a sali miho den e situacion aki.
