Dia 21 di januari ta bay tin un servicio religioso na honor di Virgen di Altagracia. Esaki ta tuma luga na Pro Catedral na Playa y ta specialmente pa e colonia Dominicano, pero cualkier fiel por acudi.
Juana Marte, ta e persona encarga cu preparacion di e servicio religioso. E ta un dia special ya cu e ta e patrona di Dominicanonan. Nan ta spera cu no solamente adultonan, pero cu hobennan tambe por compaa nan dia 21 di januari, y mas ainda participa den organisacion di eventonan manera e servicio religioso special aki.
Nan ta invita tur miembro di e colonia Dominicana pa ta presente na e misa solemne, pa 7’or di anochi na Pro Catedral San Francisco. Ta bay tin na mesun memento entrega di e potret di e Virgen cu nan a trece specialmente for di Santa Domingo pa e celebracion aki.