Diahuebs marduga pa mas o menos 1:30 un chauffeur di auto Chevrolet Celta color Blanco a pasa cu velocidad halto ariba e caminda di Meiveld direccion rotonde Tarabana.
E chauffeur no a paga tino na e birada skerpi cu consecuencia cu a ranca un palo di luz. Mesora habitante a yama polis y ambulance pa presenta. Segun testigonan e auto tabata bayendo masha duro y a hasta kibra muraya di un cas na banda.
Na yegada di polis a constata cu e homber ta bou influencia di un of otro substancia. Paramediconan a dune atencion medico y transporte pa hospital mirando cu e la herida su mes. Polis di trafico a presenta y a constata cu e number di e auto no ta cuadra cu e marca di auto y tampoco e chauffeur ta doño di e Chevrolet Celta Blanco.