Chaco Taekwondo Academy a tene examen pa tur e atletanan chikito. Examen tabata haci den dos dia. Chaco Taekwondo Academy ta e scol mas grandi di Taekwondo den area di Noord y e scol mas grandi na Aruba y ta train e muchanan na Scol Basico Kudawecha. Chaco Taekwondo Academy ta e scol na Aruba cu mas hopi faha preto.
Examen no tabata facil, pasobra e atletanan mester a demostra cu nan a siña kico ta Taekwondo for di Master Miguel Genser, Master Yoshmar Wever, Master David Dubero, Master Maurisio Tromp, Mireya Dirksz y Master Melvin Rasmijn.
Examen a consisti di Theoria, One-Step y Two-Step, Self Defense, Technica, Semi Sparring y Kibra Tabla. Durante examen di e chikitinnan, Master Yoshmar Wever y Master Miguel Genser a presenta e contenido di examen, mientras Mireya Dirks tabata cana controla y Master Melvin Rasmijn tabata nota tur cos den e laptop.
Na Final di e examen e 4 examinadonan a duna puntuacion pa wak ken tur a pasa nan examen of lo haya un her-examen.
