E comite parlamentario Hulandes pa Relacionnan di Reino, a ricibi un update door di CFT riba e estado di e finansas publico di e parti Caribense di reino.
E conversacion cu tambe tabata pa conoce e presidente nobo di CFT, Raymond Gradus, a tuma luga tras di portanan cera. Despues, Miembro di Parlamento, Andre Bosman a bisa cu e imagen cu e miembronan di CFT a mustra riba e situacion financiero di cada isla, ta confirma e preocupacion na Den Haag.
“Desde e noticia di structura constitucional di dia 10 di October, 2010, el a bay pio riba mayoria di e islanan. Ta di compronde pa St. Maarten debi na Horcan Irma. Cu nan tin un problema financiero como resultado, mi ta compronde, pero budget wise, e mester ta na ordo. Si bo no sigui e proceduranan, lo bo no tin un bista unda bo falta y unda bo no por ahusta. Corsou ta den un dip, peor mi ta spera cu e gobierno por tuma e medidanan corecto pa restaura e situacion eynan. Na Aruba, e finansas publico ta completamente fo’i sla. E transicion for di un gobierno pa otro, ta mustra cu e expenditura gubernamental no tabata bao di un control pa algun tempo. Loke cu a resta, por ehempel, ta pa corta den e aparato gubernamental. E costo di personal ta enorme.”
E deterioro di finansas publico den e tres paisnan aki a tuma luga bao di e wowo vigilante di CFT. Aunke, Bosman no kier ataca e comite mucho duro. “Loke mi ta pensa ta cu CFT mester bira mas skerpi. Den mi opinion, e mandato ta suficiente pa esey.” E parlamentario Hulandes ta pensa cu e termino “sound financial management” ta provee suficiente tools pa ahusta e controlnan. “Esey tambe ta aplica na e impuesto di inversion gubernamental. Esaki no ta wordo cubri pa e supervision di CFT, pero e polisa di dividente tabata tin un impacto directo riba finansas publico. Den mi opinion, CFT, tabata tin e derecho pa revisa e cuentanan anual di e hunta di inversion gubernamental,” Bosman a bisa.
Mas mey mey di aña, e comite parlamentario lo papia cu subsecretario Raymond Knops di asuntonan interior y relacionnan di reino, riba e ultimo rapportnan di CFT. Adicionalmente, lo bay tin un evaluacion independiente pa determina si e supervision aki lo keda extendi pa e aña aki. Den bida di e problemanan presupuestario den tur tres pais, parce cu lo bay tin cierto avanse cu e supervision lo keda resumi pa varios aña.
