Ya caba pa 17 aña e famia di Alhambra Casino y Tio George ta organisando un fiesta di Sinterklaas masha leuk mes pa nos muchanan, e aña aki e fiesta lo ta diamars awor dia 3 di December na Piedra Plat Entertainment Center. E fiesta ta start pa 4 or cu show di Baile di Dazzling Dancers , tambe lo tin presentacion di muchanan di Voz di Kiniki.
Sinterklaas y su Pietnan lo yega pa 5.00 or pa asina cuminsa parti e regalonan. Lo tin algun wega pa e muchanan y premio pa e muchanan. Show di Piet Polis no por keda afo. E prijs ta 12.50 florin y ta inclui un saco di mangel, cupcake, pastechi y juice. Tambe mester entrega un regalo pa asina por duna e mucha esaki, e balor di e regalo ta entre 30 pa 50 florin, ta limita na 1 regalo pa mucha.
Mayornan no ta paga pa drenta pero si ta desea lo tin pastechi y refresco na benta. Pa mas informacion por yama 561-6151 y inscribi awor mes ya cu tin solamente 20 lugar mas. Un danki na e staff di Alhambra y na Sra. Annie Dirksz cu tur aña ta percura pa e muchanan tin nan fiesta di Sinterklaas. Lo bai ta un atardi masha unico na unda nos muchanan ta keda cordialmente invita pa bin cuminda y fiesta cu Sinterklaas.
